Luan Krasnqi u nderua me çmimin më të lartë të qytetit të Rottweilit

Luan Krasnqi ka marrë çmimin më të lartë që mund të merr një sportist, i ndarë nga qyteti Rottweil-" Personalitet i sportit".

Kryetari i qytetit Broß duke folur për Luanin, këtë sportist të mrekullueshëm, e cilësoi si "një boksier të talentuar" me sukseset e shumta ndërkombëtare. Dhe vazhdo: "Ai u takua me njerëzit e mëdhenjë të njohur në botë siç është Dalai Lama, Muhamed Aliu, personaliteti shumë i rëndësishëm- kampioni botëror, i vetmi gjrman në kategorinë e rëndë Max Schmeling, etj. Gjithashtu, kryetari i qytetit të Rottweilit, përkujtoi pastaj fjalët e zgjedhura të ish Presidenti gjerman Horst Köhler , i cili në fjalimin e Berlinit, në vitin 2006 Luan Krasniqin ai e cilësoi si një model për të rinjtë dhe „boksier arsimor dhe të fisnikëruar ".

Krasniqi ishte për shumë vite një simbol i lartësuar sportiv i qytetit Rottweil, i cili, pavarësisht nga sukseset e mëdha sportive kombëtare dhe ndërkombëtare, nuk i harroi asnjëherë rrënjët sportive të tij. Kryetari me këtë rast shprehu fjalë shumë personale dhe e falënderoi Krasniqin duke i thënë se: "Ne të gjithë duhet t` ju falënderojmë shumë dhe unë duhet të them se ne jemi krenarë me ty". Kryetari i komunitetit për sport, Krasniqin e quajti një ambasador të mirë të sportit të Rottweilit në botë. Nuk ka qytetar të Rottweilit që ka arritur kaq shumë çmime, qyteti ka bërë pritje të shumta për nderë të këtij sportisti të shquar dhe se nënshkrimi i trefishtë i Luan Krasniqit në librin e artë të qytetit Rottweil, paraqesin rekord që ka domethënje historike.

Krasniqi duke qenë krenar dhe i lumtur, u falënderua për nderimin që i bën qytetit Rottweil edhe me ndarjen e këtij çmimi dhe të pranishmëve iu drejtua me këto fjalë: "Është një nder për mua që kam marrë këtë çmim në Rottweilin tim . Për këtë ju falënderoj nga zemra. "

(270312)

zurück zu News