Në fushë sportive apo në shkolla, Luan Krasniqi, këto ditë, është tejet i angazhuar. Gjithnjë në lëvizje, në emër të çështjes së mirë, ky boskier i kategorisë së rëndë nga Rottweili, i realizon terminet nga njëri në tjetrin.

Me ftesën e Ministerpresidentit të Baden Württembergut, Günther Oettinger, i veshën, më 24 shtator, shumë emra të njohur nga politika, ekonomia dhe sporti, fanulat e verdha të ekipit të prominentëve. Kjo ndeshje u zhvillua në kuadrin e Projektit „Kinderlandi Baden Württemberg organizon“. Të ardhurat e realizuara nga shitja e biletave iu dedikuan Shtëpisë së fëmijëve (Kinderheim) në Hildrizhausen, rrethi i Böblingenit.

Në përbërje të ekipit të Baden Württembergut ishte edhe Luan Krasniqi. Që në minutën e katërt, sportisti nga Rottweili, për ekipin e tij, e realizoi golin e parë. Poashtu e shënoi edhe golin e shtatë (rezultati 7:3). Kështu, ai, u prezantua si njëri nga lojtarët më të fortë në fushë, ndonëse luajti në ekipin e njejtë ku gjendeshin futbollistët me renome si Müller, Maurizio Gaudino apo Karlheinz Förster.

Poashtu, edhe jasht fushës sportive, Luan Krasniqi, po arrin rezultate. Kështu, ai, vizitoi shkollat në Baden Württemberg, për të tërhequr vërejtjen para të rinjëve, për rrezikun e varshmërisë në lojërat e fatit.

Sëbashku me Toto-Lotto të Baden Württembergut, që nga viti 2006 e përbën një ekip të fortë që angazhohet me moton „Mos u bë kundërshtar i vetvehtes“ që ka për qëllim ngritjen e vetëdijes, para së gjithash, tek të rinjët, për çasje më me përgjegjësi ndaj lojërave të fatit etj.