Fjalimi i Berlinit (Berliner Rede) është rast ku Bundespresidenti gjerman një herë në vit në mënyrë programore tërheq vemendjen në detyrat e bashkësisë shtetrore.

Sivjet Bundespresidenti Horst Köhler në agjendë vendosi temën që ka të bëj me arsimin. Në fjalimin e tij ai potencoi rëndësinë e shembujve për të mësuar: “Arsimi kërkon shembuj!...Dhe kur një dirigjent i mirënjohur botëror si Sir Simon Rattle që muzicon me të rinjët, kur një sportist i suksesshëm si Luan Krasniqi si „bokserarsimor“ fton për këtë, për të mësuar për mos tu ndalur asnjëherë…., atëherë entusiazmi i fëmijëve dhe të rinjëve bën që pothuaj të arrihet me duar“.
LINK: Fjalimi i Berlinit

Këtë mesazh Luan Krasniqi mund ta dëshmoj me përvojën e tij. Në takimet që ai i pati gjithandej me të rinjët, konstatoi se sa të etur për dituri janë fëmijët dhe të rinjët, kur shohin se përse mësojnë.

Fakti se Bundespresidenti Köhler e potencoi në fjalimin e tij, boksierin profesional nga Rottweili kjo e befasoi: „ Unë jam akoma i rrëqethur. Për mua është një nder tejet i madh që të zihem në gojë nga kryetari ynë i shtetit, në fjalimin e tij. Veçanërisht gëzohem edhe më shumë kur është fjala te një temë kaq e rëndësishme“.

Se, si sportist profesionist e ka funksionin e një shembulli, ai e din kaherë, por edhe për çështjen e arsimit e ka ai një definicion të vetin: „Thënjen – shembull - unë nuk e parapëlqej kur është fjala që njeriu të më shikoj mua. Nëse unë jam shembull, atëherë dëshiroj të tregoj se është me vlerë të bëhet diç. Dhe këtë mund ta bëj secili, pavarësisht se çfarë është ose çfarë bënë“.

Në këto momente në sytë vezullues të Krasniqit sheh se tema arsimi dhe shoqëria për te janë kurdoherë me rëndësi. Besohet se arsimi në shoqërinë tonë ka një shans të mirë, kur kihet parasyshë se ka ambasador si ky.