Kundër varshmërisë në lojërat e fatit

Luan Krasniqi, përsëri i vizitoi nxënësit dhe të rinjët në shumë mjedise të Baden Württembergut, në vazhdën e aksionit „Mos u bën kundërshtar i vetvehtes“, i zhvilluar nga Toto-Lotto e këtij Landi.

Vendtakim, kësaj here ishte shkolla Rudolf-Eberle-Schule në Bad Säckingen.

Sportisti i njohur Luan Krasniqi, nga Rottweili, tashmë shumë vite angazhohet në kuadrin e inisiativës, e cila tërheq vërejtjen në rrezikun që paraqet varshmëria në lojërat e fatit.

Këtu, kjo u bë përshkak të një rasti aktual që tërheq vërejtjen dhe dëshmon se sa është i rëndësishëm një angazhim i tillë.

Në janar dhe në maj të këtij viti, u thye biblioteka e Rudolf-Eberle-Schule. Motiv i kësaj vepre ishte varshmëria në lojëra.

Luan Krasniqi është tejet i vendosur në angazhimin e tij kundër varshmërisë ndaj lojërave të fatit: „Kështu mund të ndodhë poqese nuk luftohet që në fillim. Varshëmria ndaj lojërave nuk është vullnet por një rrezik i madh për vet personin si dhe për rrethin. Se sa keq mund të jet, vërehet edhe në rastin e përmendur“.

Që kjo temë të konkretizohet, u vunë në funksion lojëra të ndryshme përmes të cilave u transmetuan porositë për rrezikun e varshmërisë në lojëra.

Të rinjët, në këtë organizim, e përjetuan vet se besimi në fatin e sigurt në lojë shndërrohet në asgjë dhe len duarthatë.

Poashtu u dha mundësia, që boksierit simpatik, ti parashtrohen edhe pyetje të ndryshme. Luan Krasniqi, e siguroi kohën dhe rrjedhshëm dhe me durim, u përgjigjë në të gjitha pyetjet. Nuk munguan as autogramet.

Për Luan Krasniqin, sportistin me renome, ishte ky një organizim tejet i suksesshëm dhe se nuk do të jet i fundit, ngase ai do të vizitoj edhe shkolla tjera për të tërhequr vërejtjen në rrezikun e varshmërisë në lojërat e fatit.

(220710)

zurück zu News