Dueli i boksit, i cili do të zhvillohej më 8 mars, midis Luan Krasniqit dhe Aleksander Dimitrenko, është anuluar. Ukrainasi nuk ka pranuar që të boksojë kundër boksierit shqiptar. Lajmin e ka bërë të ditur të mërkurën “ Universum Box-Promotion ”, kompania që menaxhon karrierën e të dy boksierëve.

Luan Krasniqi është tepër i zhgënjyer, pasi ka pritur shumë, për këtë duel dhe është përgatitur për një kohë të gjatë: „ Nuk e kam fare idene, pse Aleksander e anuloj ndeshjen. Sigurisht, që jam hidhëruar pa masë, pasi po përgatitesha dhe kisha shumë dëshira ta fitoja këtë dyluftim. Nuk e kam idene se çfarë ka ndodhur.“

Dueli me Dimitrenkon vlerësohej si shansi i madh për Luan Krasniqit, për të siguruar kështu me një fitore edhe një duel për titullin e kampionit të botës. Kjo do të thotë për djaloshin nga Rottweil-i se duhet të presë përsëri. Kjo kohë pritje do të thotë pergatitje. Ai do vazhdojë të stërvitet, pët të siguruar një shancë tjetër, të cilin ai do e shfrytëzojë ne maksimum.