Në matjen zyrtare, sot u dëshmua se Luan Krasniqi, kishte peshën dhjetë kilogram më pak se kundërshtari i tij Tony Thompson.

Krasniqi, i cili ka peshën e tij ideale prej 102, 5 kilogramësh, nuk dëshiron që kësaj diference të dukshme ti jep fare rëndësi: „Thompson, me siguri, poashtu është përgatitur mirë. Por, ai duhet që poashtu të lëvizë dhjetë kilogram më shumë. Të shtunen do të shihet se a ka kjo ndikim në ring“.

Boksieri gjerman i kategorisë së rëndë u prezentua në një formë tejet impozante. Këtë e vërteton edhe vet Krasniqi: „Unë jam duke boksuar gjatë kohë, por përgatitjet, sa më i moshuar që jam, më janë gjithnjë e më të lehta”. Aty ku boksierët tjerë me sportin e tyre pushojnë, bëhet se Krasniqi tashti është në marshim të vërtetë.

Se të shtunen do të shkëlqej vërtetë, mund të lexohej nga sytë e tij: Boksieri nga Rottweili, fotografistëve dhe përfaqësuesëve të mediave iu prezentua i disponuar mire dhe shkëlqeu me plotë energji.Tek Krasniqi është mbi të gjitha i rëndësishëm koncentrimi i cili i shtohet nga minuta në minutë dhe kulminacionin e arrin me rastin e ngjitjes së tij në ring.

Kështu, mund të pritet se të shtunen do të zhvillohet një duel tejet interesant në të cilin, Luan Krasniqi do të është me dorën e ngritur lartë në shenjë ngadhnjimi. Ndërkaq, e qeshura e Tony Thompson, bëhet se i përket të kaluarës, mbase nuk ka dyshim, se të shtunen ai ka të bëj me Luan Krasniqin, boksierin e spikatur..