Edhe kur Luan Krasniqi, nuk bokson, koha e lirë është një si fjalë e huaj për këtë boksier simpatik të kategorisë së rëndë nga Rottweili.

Kështu, të shpeshta janë ftesat dhe paraqitjet publike, të cilat ai i pranon me kënaqësi, si bie fjala me rastin e hapjes së Turn-WM në Stuttgart (Kampionatit Botëror në Atletikë). Krasniqi, natyrisht, u gëzua për rezultatet e arritura të sportistëve gjerman: „Kjo ishte e shkëlqyeshme, çfarë treguan atletët - unë jamë i befasuar“.

Luani, gjithashtu do të jetë edhe vet aktiv. Kështu, gjatë muajit shtator dhe tetor, në shkolla, edhe metej do të tërheq vërejtjen lidhur me varshmërinë në lojërat e fatit. Që nga gushti i vitit 2006, egziston një partneritet në mes të këtij boksieri nga Rottweili dhe Toto-Lotto të Baden Württembergut. Një temë tejet e qëlluar për Krasniqin: „ Si sportist dhe njeri, mbaj përgjegjësi-mbrojtja e të rinjëve është një çështje shumë me rëndësi“.

Me moton „ Mos u bën kundërshtar i vetvehtes“, Toto-Lotto e Baden Württembergut organizon në vazhdimësi vizita nëpër shkolla, në të cilat, Luan Krasniqi, ndihmon për të sqaruar rrezikun e varshmërisë nga lojërat, para të rinjëve të posa punësuar.

I angazhuar në kuptimin sportiv, Krasniqi do të jet në fund të muajit shtator kur me ftesën e Kryeministrit të Baden Württembergut Günther H. Oettinger, në një lojë futbollistike beneficuese, dorëzat e boksit do të zëvendësohen me këpucë sportive të futbollit, për të ndihmuar aksionet qëllimmira: „Unë isha tejet i nderuar që Kryeministri më pyeti për këtë. Dhe nëse unë, me pjesëmarrjen time, mund të ndihmoj pak sa, këtë e bëj natyrisht me dëshirë“.

Pra, ky boksier gjerman i kategorisë së rëndë, edhe atëherë kur nuk ndodhet në ushtrimet përgatitore, ka një plan tejet të ngjeshur. Ndaj, Krasniqi nuk mendon fare për të pushuar: „Unë nuk mund të qëndroj asesi i qetë. Ka aq shumë për të bërë, ka një sërë gjerash që njeriun e bëjnë të lëvizë. Dhe kur është mundësia, unë angazhohem. Jeta ka kuptim vetëm nëse njeriu lëvizë diç, pavarësisht një çështje të vogël apo të madhe“.

Dhe kështu, ditët e lira të Krasniqit edhe mëtej janë të ngjeshura.