Tashmë mëse një vit, që të dy letërkëmbejnë, por Luan Krasniqi ditë më parë e pati mundësinë që ta takon personalitetin për të cilin që nga mosha e re, kultivon respekt të madh: shkrimtarin Ismail Kadare.

Kadere, njëri nga autorët më të njohur shqiptar, në vitin 2012 ishte nominuar për Çmimin Nobel për letërsi. Krasniqi i cili i ka lexuar pothuaj të gjitha veprat e këtij shkrimtari të madh, është tejet i bindur se Kadare e ka merituar të fitoj këtë çmim.

Ish Kampioni evropian në peshën e rëndë, Luan Krasniqi, është krenar për faktin se ai personalisht e takoi Kadaren: Unë ndihem mëse i nderuar ngase shkrimtari i madh Kadare, më ftoi në shtëpi dhe ma fali një pjesë të kohës së tij të çmueshme, për të diskutuar me mua.

Nuk është për tu befasuar kur njeriu e din se Krasniqi, që në fëmijëri, e kishte lexuar për herë të parë një libër të Ismail Kadares. - Kjo ka ndodhur kur isha në klasën e shtatë apo të tetë, kur për herë të parë e kam lexuar romanin „Gjenerali i ushtrisë së vdekur“. Më kujtohet shumë mirë se sa i fascinuar isha atëherë dhe sa shumë i fascinuar jam edhe sot.

Krasniqi është i vetëdijshëm se Kadare, me mendimin e tij është polarizuar por është i sigurtë se po të vepronin ashtu politikanët, me siguri do të ishte drejtim i duhur për Shqipërinë dhe Kosovën.

Luan Krasniqi i gëzohet faktit se ai dhe Ismail Kadare, edhe në të ardhmen do të mbeten në kontakt.