Tifosët e tij kaherë e kanë pritur këtë çast. Më 8 mars të vitit 2008, Luan Krasniqi kthehet përsëri në ring.

Në Porshe-Arenën e Stuttgartit, ky boksier nga Rottweili, do të boksoj kundër Alexander Dimitrenko. Luftohet për shiritin Interkontinental në WBO në kategorinë e rëndë dhe për kampion evropian. Ndërkaq, për Krasniqin, kjo do të thotë edhe për diç tjetër: „Unë dëshiroj të dëshmoj se mund të llogaritet akoma në mua.Dhe këtë rast, unë do ta shfrytëzoj që të rekomandohem edhe njëherë për një luftë për kampion botëror.“

Për këtë, është dashur një kundërshtar me forcë të lartë dhe se mu kjo është konsideruar tek Dimitrenko. Lidhur me këtë Krasniqi thotë: „Për mua ishte gjithmonë e qartë, që nëse dëshiroj të marrë pjesë në garat e nivelit të lartë, duhet medeomos të boksoj kundër njërit nga lista e Top- pesëshes. Çdo gjë tjetër, për mua nuk do të ishte me rendësi.

Mu për këtë, një luftë tjetër nuk erdhi në pyetje: “Unë jam i kënaqur, që më jepet mundësia të luftoj kundër Sascha. Kundër Thompsonit isha plotësisht jasht rolit, por unë në këtë kohë kam menduar dhe se e kam përpunuar atë mbrëmje.“

Nga mesi i janarit, Luani, do ti çaset Kampit të ushtrimeve në Sölden. Me te, sërish do të jet shoku i tij, kampioni botëror në peshën „Cruiser”, Firat Arslan. Për Krasniqin kjo nuk është vetëm mbështetje për ta patur shokun e tij afër por njëkohësisht nxitje : “Për mua do të ishte një ëndërr, nëse Firati dhe unë sëbashku do të ishim kampion botëror. Firati përkitazi me këtë e ka mbaruar pjesën e punës së vet, tashti jam unë në rradhë.”